تعبت أسقي جروح الهم مواويل الظما دونك "
تعبت أكتب بدم الشوق رسالة لوم تغتابك ؛؛
تعبت أسأل عيون الناس من اللي شافت عيونك "
تعبت أسأل هبوب الريح من اللي عطر ثيابك ؛؛
تعبت أجمع شتاتك لين جمعت الروح وطعونك "
تعبت أزهم خيالك لين جاني وبيده غيابك ؛؛
تعبت أتذكرك مادري علام الذاكره تخونك "
أشوف الليل ماادري اذا طيفي طرق بابك ؛؛
ترانيم الوله غنت على صوت من لحونك "
سراب الصدق ماادري سراب الكذب لي جابك ؛؛
تعبت أنبش جروح الخوف بداخل جثة ظنونك "
تعبت أسأل اذا تذكر حبيب مات بترابك ؛؛
أنا شلتك على كتفي مثل حتفي على متونك "
ذبحني خنجر غيابك وانا موتي من أسبابك ؛؛
دخيل الليل والموال واللوعات وطعونك "
دخيلك مابقابي حيل يتحمل عنا غيابك ؛؛
أكذب عليك إن قلت يالصمت مشتاق..
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.