همسات قلبك الى قلبي على مر الايام حفظتها لانشرها هنا لتبقى شاهد على حباً أزليا لايموت . فلك مني حبا يعجز الشعر عن قوله .

الاثنين، 29 نوفمبر 2010

لاتخليني

أبيك >> بكل مافيني تعالي لاتخليني..
أبي عطفك وأبي وصلك وابي أقتل
"بك أحزاني"
أبيك >> البلسم الشافي من جروحي تداويني..
تكوني لي دفا عمري إذا ليل
"الشتاء جاني"
وأبي تحلف لي إن يديك أبد ماتترك يديني..
أبي لسانك يسولف عن معاني
"الشوق للساني"
وأبيك مثل النسيم العذب بأنفاسك تمنيني..
وأبي من ريقك أرشف لين
"تبرد فيه نيراني"
وأبي عيونك تضم الشوق وبيدينك تضميني..
وكل ماصاح لك قلبي تضم
"أحضانك أحضاني"
وأبي لامرني ليلك مثل لبسي يغطيني..
وأبي إن صحت ولاصحت
"كني فيك سكراني"
أبي كل ذره بجسمك تعانق مثلها فيني..
وأبي أحيا كذا هاللون كان
 "العمرخلاني"
وإن كان الموت حظي طلبتك لاترديني..
أبي موتي في عيونك أبي
"رموشك هي أكفاني"        
وفي قلبك أبي قبري بأشواقك تغطيني..
وأبي فمك يصبحني وإذا جاء
"الليل مساني"
وأبي حزنك يهز الكون لين الكون
يبكيني..
وأبي منك القسم بالله بعدي
"ماتحب ثاني"
تكوني الوافيه لي مثلي تحبيني..
وكل ماجاك طاري تصرخ انه كان
"يهوااااااني"

ليست هناك تعليقات:

إرسال تعليق

ملحوظة: يمكن لأعضاء المدونة فقط إرسال تعليق.